Bu barədə onun Məhəmməd Peyğəmbərin və İmam Cəfər əs-Sadiqin (ə) mövlud ildönümü, eləcə də İslam Birliyi Həftəsi münasibətilə etdiyi müraciətdə bildirilib.

IRNA-nın məlumatına görə, müraciətin mətni Ali Liderin mətbuat xidməti tərəfindən yayılıb. Xameneinin sözlərinə görə, süni şəkildə parçalanmanı dərinləşdirmək İslam əleyhdarlarının müsəlman xalqlarını zəiflətmək və onlara nəzarət etmək məqsədi daşıyan əsas strategiyasıdır. Ayətullah Xamenei vurğulayıb: “Cinayətkar ABŞ rəhbərliyi və yalançı sionist rejimi İslam birliyinin və bütün müsəlman ümmətinin, o cümlədən Yaxın Şərq və Şimali Afrika xalqlarının amansız düşmənləridir. Əsl düşmənin kim olduğunu aydın anlamaq və onların planlarına qarşı durmaq lazımdır”.O, müsəlman dövlətlərinin liderlərini əməkdaşlığı və qarşılıqlı yardımı gücləndirməyə, İran vətəndaşlarını isə daxili nifaq salmaq cəhdlərindən çəkinməyə çağırıb. Xamenei həmçinin qeyd edib ki, İran İslam birliyi ideyalarının təşviqində artıq müsbət təcrübə toplayıb və daxili həmrəyliyi qorumağın vacibliyini diqqətə çatdırıb.