Təbriz-İrəvan təyyarə reysləri bərpa olunur.
Bunu İranın Şərqi Azərbaycan Hava Limanlarının baş direktoru Məhəmməd Əli Nael Karamaleki “Aftab News”a müsahibəsində deyib.
O, uçuşların hər həftənin bazar ertəsi və cümə axşamı günləri “Poya Airlines” tərəfindən həyata keçiriləcəyini bildirib.
Direktorun sözlərinə görə, ilk uçuş avqustun 20-də Təbriz Hava Limanından İrəvana olacaq.
Qeyd edək ki, İrəvan-Təbriz aviareysi 2021-ci il iyulun 1-də açılıb. Uçuşlar Ermənistan aviaşirkəti olan “Armenia Airways” tərəfindən həftədə iki dəfə – bazar ertəsi və cümə axşamı günləri həyata keçirilib. İki il əvvəl reyslər dayandırılıb.
