Bunu türkiyəli politoloq Həsən Səlim Özertem “Lenta.ru”ya müsahibəsində deyib.

Ekspert bildirib ki, Qara dənizdəki vəziyyət Türkiyə üçün getdikcə daha çox narahatlıq doğurur. “Son hadisələr Qara dənizdə daha da gərginləşmə və Ukrayna münaqişəsinin regional böhrana çevrilməsi riskini göstərir”, -vurğulayıb.

Özertem əlavə edib ki, Türkiyə üçün potensial risklərə ölkənin istisnasız iqtisadi zonasında mülki gəmilərə hücumlar və vacib enerji infrastrukturuna dəyən ziyan daxildir: “Körfəz müharibəsi ilə birlikdə Ukrayna münaqişəsindəki mövcud vəziyyət enerji bazarlarına təsir edən daha bir risk faktoruna çevrilib”.
Analitik onu da qeyd edib ki, Türkiyə NATO üzvü dövləti kimi unikal mövqe tuturaq Rusiya, Ukrayna ilə dialoq və iqtisadi kanalları saxlayır: “Bu mövqe sayəsində Türkiyə münaqişənin lap əvvəlindən, o cümlədən 2022-ci il İstanbul Sazişləri, taxıl dəhlizinin açılması və əsir mübadiləsi də daxil olmaqla, əsas rol oynayıb.
Digər tərəfdən Türkiyə Rusiya və Ukraynanı regionda əsas tərəfdaşlar hesab edir və gərginliyin azaldılması Ankaranın təhlükəsizliyi üçün çox vacibdir. Buna görə də, Ankara Qara dəniz də daxil olmaqla, danışıqlara çağırışlarını yenidən gündəmə gətirir”.
O hesab edir ki, hazırda Ankaranın əsas məqsədi Moskva ilə Kiyevin arasında danışıqları bərpa etməkdir.

Qeyd edək ki, son aylarda Ukrayna və Rusiya Qara dənizdə yükdaşıyan gəmilərə hücum edib. Nəticədə təkcə gəmilərə ziyan dəyməyib, eyni zamanda xeyli sayda gəmi heyət üzvləri ölüb və yaralanıb.