Kolumbiyanın cənubundakı Bolivar inzibati bölgəsindəki hərbi bazaya pilotsuz uçuş aparatları (PUA) ilə hücum edilib. “El Colombiano” xəbər verir ki, hadisə nəticəsində 5 əsgər ölüb, 33-ü yaralanıb.
Yaralılardan səkkizinin vəziyyəti ağırdır.
Ölənlərin sayının artacağı istisna edilmir.
Kolumbiya Prezidenti Abelardo de la Espriella “X” hesabında paylaşım edərək bildirib ki, terrorizm dövləti diz çökdürə bilməz.
O, cinayətkarların müəyyən edilməsi və tutulması istiqamətində əməliyyatlara başlanması əmrini verdiyini açıqlayıb.
Hücumun məsuliyyətini hələ heç bir silahlı qruplaşma öz üzərinə götürməyib. Ölkənin təhlükəsizlik orqanları hadisə ilə bağlı rəsmi açıqlama verməyib.
