Ukrayna elektron müharibə avadanlıqlarının tədarükünü artıracaq, mobil atəş qruplarının işini yenidən formatlayacaq və vacib infrastrukturun Rusiya hücumlarından qorunmasını gücləndirəcək.
Bunu Ukrayna Prezidenti Volodimir Zelenski bildirib.
“Müdafiə üçün bir həll yolu var. Xüsusilə, elektron müharibə komponentini əhəmiyyətli dərəcədə gücləndirəcəyik və satınalmaların həcmini artıracağıq – müqavilələr təsdiqlənib. Təyin olunmuş mobil atəş qruplarının və hava hücumundan müdafiə xətlərinin işi də yenidən formatlanacaq. Nazirlər Kabineti cəbhə bölgələrində ehtiyat logistika marşrutlarının yaradılması ilə bağlı qərar hazırlayır və dəmir yolu və avtobus marşrutlarının birləşdirilməsi üçün alqoritmlər hesablanıb”,- Zelenski qeyd edib.
Xatırladaq ki, bu gün Zelenski Ukraynanın Rusiyaya məxsus “Şahed” dronunun ələ keçirilməsinin uğurla sınaqdan keçirdiyini açıqlayıb .
