Bu barədə məlumatı “Mash” “Telegram” kanalı yayıb.

Qeyd olunur ki, E.Paşayev Sosial Fonda qarşı iddianı birbaşa həbsxanadan irəli sürüb. Lakin onun ilk cəhdi uğursuz olub.

E.Paşayevə pensiya ödənişlərinin hesablanması dayandırılıb, o, iyul ayında Moskvanın Meşşansk rayon məhkəməsinə müraciət edib, lakin ərizə geri qaytarılıb. İddia nümayəndə tərəfindən imzalanıb, amma sənədlərdə ona verilmiş etibarnamə olmayıb. Məhkəmə pozuntu aradan qaldırıldıqdan E.Paşayevə yenidən müraciət etməyə icazə verib.

Avqust ayında E.Paşayev ikinci dəfə müraciət edib və yeni iddia artıq qeydiyyata alınıb.

Qeyd edək ki, o, bundan əvvəl də barmaqlıqlar arxasından maliyyə məsələlərini həll etməyə çalışıb. Paşayev daha əvvəl təxminən beş milyon rubl dəyərində olan “Range Rover”ini məhkəmə yolu ilə geri almağa cəhd edib – məhkəmə icraçıları avtomobili 36.5 milyon rubl borca görə əlindən alıblar.

Vəkilin özü hazırda dələduzluq işi üzrə həbsdədir. İstintaqın versiyasına görə, o, Aleksey Blinovskidən ona və Yelena Blinovskayaya cinayət məsuliyyətindən yayınmağa kömək edəcəyi vədi müqabilində 20.1 milyon rubl və 300 min dollar alıb.