Xəzər rayonunda sakinlərdən birinin evindən oğurluq edilməsi barədə polisə müraciət daxil olub.
Bu barədə Daxili İşlər Nazirliyinin (DİN) Mətbuat Xidmətindən məlumat verilib.
Polis əməkdaşlarının keçirdikləri tədbirlərlə əməli törətməkdə şübhəli bilinən 49 yaşlı E.İbrahimov və 43 yaşlı V.Dadaşov müəyyən olunaraq saxlanılıblar.
Araşdırmalarla onların mənzildən 2100 manat nağd pul və 2200 manat dəyərində qızıl-zinət əşyaları oğurladıqları müəyyən edilib. Saxlanılan şəxslərdən şəxsi istifadələri üçün əldə etdikləri narkotik vasitələr də aşkarlanaraq götürülüb.
Faktla bağlı cinayət işi başlanılıb, araşdırma aparılır.
