Bu barədə şirkətin saytındakı məlumatda deyilir.

“SpaceX” layihəyə ən azı 100 milyard dollar investisiya yatırmaq və 3 mindən çox iş yeri yaratmaq niyyətindədir. Yeni kosmoport Luiziananın cənubunda Vermilion dairəsində yerləşəcək. Tikintiyə 2027-ci ildə başlamaq, yeni meydançadan “Starship”in ilk buraxılışını isə 2029-cu ildə həyata keçirmək planlaşdırılır.

“Starbase” ildə minlərlə “Starship” uçuşunu dəstəkləmək üçün inşa ediləcək. Bu avtonom kosmoportda yanacaq istehsal ediləcək, elektrik enerjisi hasil olunacaq”, – məlumatda bildirilir.

Hazırda bütün “Starship” buraxılışları Texas ştatındakı “Starbase” meydançasından həyata keçirilir.

“SpaceX”in planlarına görə, “Starship” sistemi Yerətrafı orbitə pilotlu uçuşlar, peyklərin çıxarılması, eləcə də Ay, Mars və digər səma cisimlərinə missiyalar üçün istifadə olunacaq. “Starship” gəmisi və “Super Heavy” sürətləndiricisi çoxdəfəlik istifadə və şaquli eniş üçün nəzərdə tutulub.