Tramp bu barədə özünə məxsus “Truth Social” sosial şəbəkəsində paylaşım edib.

Ağ Ev rəhbəri Ukraynanın Rusiyanın enerji obyektlərinə hücum etməməyə razılaşdığını, Moskva tərəfinin də analoji öhdəlik götürdüyünü bildirib. Tramp həmçinin dünyada dizel qiymətlərinin bahalaşmasına İranın deyil, məhz Rusiya-Ukrayna müharibəsinin səbəb olduğunu vurğulayıb.

Qeyd edək ki, sentyabrın 7-də Ukrayna Prezidenti Volodimir Zelenski Kiyevin Rusiya ilə taxıl və energetika sahələrində kompromisə getməyə hazır olduğunu bəyan etmişdi. Sentyabrın 10-da isə Rusiya Prezidentinin mətbuat katibi Dmitri Peskov məsələyə münasibət bildirərək, Rusiyanın hücumlarından sonra Kiyevin çətin vəziyyətdə qaldığını və bu səbəbdən müvəqqəti atəşkəs istədiyini deyib. Peskov hazırda bu mövzuda rəsmi danışıqların aparılmadığını da iddia edib.