Bəzi hakimlərin məhkəmə prosesinə vaxtında gəlmədiyini bildirib.

“Vəkilin vaxtına kim hörmət etməlidir? Məhkəmə iclası saat 14:10-a təyin olunub.
Vəkil 14:10-da – dəqiq vaxtında məhkəmə zalındadır.

Hakim həmin vaxt başqa işə baxır. İclas 14:30-da bitir. Hakim otağına qalxır və bildirir:
“Gözləyin, gələcəyəm.”
Vəkil gözləyir… Amma saat 15:40-da başqa məhkəmə iclasında olmalıdır. Orada da onu gözləyən məhkəmə, iş və hüquqlarını müdafiə etdiyi insan var.

İndi sadə bir sual: əgər saat 14:10-a təyin edilmiş inzibati xəta işinə vaxtında ,heç olmasa 14.30-da baxılsaydı, vəkil 15:40-dakı digər məhkəmə iclasına çata bilərdimi? Yəqin ki, bəli.

Vəkildən məhkəmə iclasına vaxtında gəlmək tələb olunur. Bu, haqlı tələbdir.
Amma vaxta hörmət qarşılıqlı olmalıdır. Çünki vəkilin də vaxtı var. Vəkilin də başqa prosesləri var. Vəkilin də qarşısında məsuliyyət daşıdığı insanlar var.

Ədalət yalnız qərardan başlamır. Ədalət münasibətdən və qarşılıqlı hörmətdən də başlayır!”, – vəkil sosial şəbəkə hesabında yazıb.

Lakin İ.Həsənova hadisənin hansı məhkəmdə baş verdiyini və hakim adını açıqlamayıb.