Azərbaycanın Riqadakı səfiri Nərminə Mustafayeva Latviya Seyminin sədri Dayqa Mierina ilə görüşüb və iki ölkə arasında münasibətlərin möhkəmləndirilməsi müzakirə olunub.
Bu barədə N. Mustafayeva “X” sosial şəbəkə hesabında yazıb.
“Latviya Seyminin sədri Dayqa Mierina ilə bugünkü görüşü çox yüksək qiymətləndirdim. Biz Azərbaycan-Latviya münasibətlərinin möhkəmləndirilməsi, parlamentlərarası əməkdaşlığın dərinləşdirilməsi və iqtisadi əlaqələrimizin genişləndirilməsi barədə səmimi və konstruktiv fikir mübadiləsi apardıq”, – o bildirib.
Qeyd olunub ki, məqsəd əldə edilmiş irəliləyişi daha da inkişaf etdirmək, ölkələr və xalqları bir-birinə daha da yaxınlaşdırmaqdır.
