Türkiyənin energetika və təbii sərvətlər naziri Alparslan Bayraktar “Akkuyu” Atom Elektrik Stansiyasının (AES) birinci enerji blokunun 2026-cı ilin sonuna qədər istismara verilməsinin planlaşdırıldığını bildirib.
Nazir bu barədə müsahibəsində danışıb.
“Hazırda birinci reaktorun sınaq mərhələsindəyik. Məqsədimiz sınaqları mərhələli şəkildə tamamlayaraq ilk reaktoru 2026-cı ilin sonunadək istismara vermək və elektrik enerjisi istehsalına başlamaqdır. Digər reaktorların da tikintisi davam edir. Üçüncü və dördüncü reaktorların inşası ilə yanaşı, məlumatların emalı mərkəzi də yaratmağı planlaşdırırıq”, – deyə nazir qeyd edib.
Bayraktar bildirib ki, pandemiya, xammal qiymətlərinin artması və tikinti xərclərinin yüksəlməsi kimi bir sıra amillərə görə “Akkuyu” AES-in dəyəri ilkin olaraq planlaşdırılan 20 milyard dolları ötüb.
