Sərhəd Qoşunlarının keçmiş komandanı, general-mayor Abbasəli Novruzov Hərbi Memorial Məzarlıqda dəfn edilib.
Dəfndə Dövlət Sərhəd Xidmətinin rəisi Elçin Quliyev, müdafiə naziri Zakir Həsənov, Silahlı Qüvvələrin Baş Qərargah rəisi Kərim Vəliyev, mərhumun yaxınları, ictimaiyyət nümayəndələri iştirak ediblər.
Qeyd edək ki, Abbasəli Novruzov dünən səhər saatlarında 89 yaşında dünyasını dəyişib.
Abbasəli Novruzov 1994-cü il aprelin 8-də Azərbaycanın milli təhlükəsizlik nazirinin müavini, Sərhəd Qoşunlarının komandanı təyin edilib. O, 2001-ci ilə qədər bu vəzifəni tutub.
