“Vaşinqton ABŞ istehsalı olan silahların Çinə satılmasını yaxşı fikir hesab edir, lakin Pekinə belə təkliflər verilməyib”.
Bunu ABŞ Prezidenti Donald Tramp bildirib.
Birləşmiş Ştatların Çindəki səfiri Devid Perdyu “Fox News”a açıqlamasında maraqlı fikirlər səsləndirib. O xatırladıb ki, Çin ABŞ-nin Tayvana silah satmasından narahatdır və rəsmi Pekin bunu D.Trampın da diqqətinə çatdırıb. Diplomatın iddiasına görə, Ağ Ev sahibi isə buna cavab olaraq təklif edib ki, Çin ABŞ silahları alsın.
Amma D.Tramp bunu təkzib edib.
“Mən bunu əvvəllər heç eşitməmişəm. Biz onlardan (Çin) daha yaxşı texnologiya istehsal edirik, ona görə də bəlkə də bu pis fikir deyil. Amma biz bu barədə müzakirə aparmamışıq”, – ABŞ lideri vurğulayıb.
